Noyer durangdan soʻng xatoni tan oldi

Bavariya darvozaboni Manuel Noyer Berlinning Union jamoasiga qarshi oʻyinda (2:2) durangdan soʻng oʻz fikrlarini bildirdi. Tajribali futbolchi birinchi gol epizodida xato qilganini tan oldi.

"Birinchi gol epizodida notoʻgʻri qaror qabul qildim. Ikkinchi golga kelganda esa raqib ikkinchi toʻpni yutib oldi.

Bu raqibga qarshi oʻynash qiyin boʻldi, ayniqsa chorshanba kunidan keyin. Biroq biz tez orada gʻalabalarga qaytamiz deb ishonamiz.

Umuman olganda, bu yomon tur emas: biz bir ochko oldik, raqiblar esa yoʻq. Hozirda bizda olti ochko ustunlik bor", - dedi Noyer Goal portaliga.

Maʼlumki, Bavariya ushbu mavsumda ilk bor gʻalaba qozona olmadi. Bungacha myunxenliklar barcha musobaqalarda oʻtkazilgan 16 oʻyinning barchasida zafar quchgan edi.

“Zamin”ni Telegramʻda oʻqing!