Barselona La Liganing 12-turida Seltaga qarshi o‘yinda 4:2 hisobida g‘alaba qozondi. Mazkur uchrashuv yakshanba kuni bo‘lib o‘tdi.
Kataloniyaliklar birinchi bo‘limda biroz qiyinchilikka duch kelishdi, ammo tanaffus oldidan Lammin Yamal o‘z jamoasini oldinga olib chiqib, hisobni 3:2 ko‘rinishida o‘zgartirdi. Ikkinchi bo‘limda esa Robert Levandovski uchinchi golini kiritib, o‘yinning yakuniy natijasini belgiladi.
"Tanaffusda Flik bizga shunday dedi: "Xotirjam bo‘ling, xotirjam bo‘ling. Nima qilayotganingizga ishonishda davom eting, chunki hammasi to‘g‘ri yo‘lda.
O‘z g‘oyamizga amal qilishimiz, o‘z ustimizda ishlashimiz va yanada yaxshiroq bo‘lishga intilishimiz kerak", – dedi Barselona yarim himoyachisi Dani Olmo o‘yin tugaganidan keyin bergan intervyusida. Ushbu g‘alaba evaziga Barselona La Liga jadvalida 28 ochko bilan ikkinchi o‘rinni egallab turibdi.
Madridning Real jamoasidan uch ochko orqada qolmoqda.
