Vilyarreal qiyin oʻyinda Mallorca ustidan gʻalaba qozondi

Ispaniya La Ligasining 13-turida "Vilyarreal" oʻz maydonida "Mallorca"ni qabul qildi. Oʻyin juda murosasiz kechdi.

Uchrashuvning 6-daqiqasida Alfonso Pedrasa chap qanotdan uzoq ustunga uzatma amalga oshirdi, Ayose Peres esa toʻpni markazga qaytardi. Gerard Moreno esa darvozabonga imkoniyat qoldirmay, toʻpni darvozaga yoʻlladi – 1:0.

Mehmonlar darhol javob qaytardi: Pablo Torre markazdan Samu Koshtaga oʻng qanotga pas berdi va u 15 metr masofadan toʻpni uzoq burchakka yoʻlladi – 1:1. Oʻyinning ikkinchi bo‘limida kurash yanada keskin tus oldi.

84-daqiqada Tejjon Byukenen oʻng qanotdan pas uzatdi. Himoyachi toʻpni qaytarishga urindi, ammo Tani Oluvaseyi toʻpni darvoza toʻriga chiroyli zarba bilan yoʻlladi – 2:1.

Mazkur gʻalaba "Vilyarreal"ni turnir jadvalida yetakchi klublardan atigi ikki ochkoga uzoqlashtirdi. "Mallorca" esa pastki oʻrinlarda qolmoqda.

“Zamin”ni Telegramʻda oʻqing!