Belgradda bo‘lib o‘tgan “Champions League 2025” dzyudo klublararo musobaqasida o‘zbekistonlik dzyudochilar yana bir bor xalqaro maydonda yorqin natija qayd etdi. Terma jamoaning to‘rt nafar a’zosi turli klublar safida maydonga tushib, muvaffaqiyatli ishtirok etdi.
Olimpiada sovrindori Alisher Yusupov harakat qilgan Fransiyaning “Pari Sen-Jermen” jamoasi finalda Serbiyaning “Red Star” klubini 4:2 hisobida taslim etdi va Yevropa Chempionlar Ligasining g‘olibi bo‘ldi. Yusupovning hal qiluvchi bellashuvdagi ishonchli kurashi jamoaga jiddiy ustunlik bergani qayd etildi.
Shuningdek, yana uch nafar o‘zbekistonlik — Muzaffarbek To'raboyev, Shahrams Ahadov va Shahradxo‘ja Sharipov tarkibida bellashgan Qozog‘istonning “Jenis” klubi musobaqani bronza medallari bilan yakunladi.
Belgraddagi yirik musobaqa o‘zbekistonlik dzyudochilarning mahorat va tayyorgarligi yana bir bor yuqori darajada ekanini isbotladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
