Xalqaro Futbol Federatsiyasi (FIFA) 2026 yilgi Jahon chempionati boshlanishiga 200 kun qolgani munosabati bilan rasmiy murojaat bilan chiqdi. Unga ko‘ra, bu musobaqa tarixda miqyosi jihatidan eng ulkan va qamrovli bo‘lib, 48 ta jamoa va millionlab ishqibozlarni Kanada, Meksika va AQSh maydonlarida jamlaydi.
FIFA: Unutilmas futbol bayramiga tayyor turing!
"Turnir 2026 yil 11 iyun kuni Meksiko shahridagi tantanali ochilish o‘yini bilan start oladi va 19 iyul kuni Nyu-Jersida bo‘lib o‘tadigan hal qiluvchi final uchrashuvi bilan tugashi belgilangan," — deyiladi FIFAning muxlislarni o‘ziga xos, unutilmas futbol namoyishiga shay turishga chaqirgan xabarida.
O‘zbekistonning tarixiy ishtiroki
Bu Jahon chempionati o‘zbekistonlik futbol ishqibozlari uchun alohida ahamiyatga ega. Negaki, O‘zbekiston milliy terma jamoasi o‘z tarixida birinchi marta ushbu global musobaqada qatnashadi.
Musobaqaning guruh bosqichi uchun qur’a tashlash marosimi esa 5 dekabr kuni tantanali ravishda bo‘lib o‘tadi. Barcha ko‘zlar endilikda O‘zbekistonning dastlabki raqiblari kim bo‘lishini aniqlaydigan ushbu g‘olibona marosimga qaratilgan. Bu voqea mamlakatimiz futboli tarixida yangi sahifa ochadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
