Portugaliyaning "Sporting" jamoasi bosh murabbiyi Ruy Borges "Bryugge"ga qarshi uchrashuvdagi o'z jamoasining harakatlarini yuqori baholadi. Chempionlar ligasi guruh bosqichining beshinchi turida o'tkazilgan o'yinda portugallar belgiyalik raqiblarini 3:0 hisobida mag'lubiyatga uchratdi.
"Qiyin raqibga qarshi o'yin natijasini hal qila oldik. Ular pressing orqali bizga birinchi daqiqadan boshlab muammo tug'dirishdi.
Ularning nimalarga qodirligini bilardik, ammo biz juda yetuk jamoa bo'ldik, bu esa juda muhim edi. Jamoa xotirjamlik va o'ziga ishonch bilan o'ynadi", - deydi Borges Sapo nashriga bergan intervyusida.
Shuningdek, murabbiy "Atletik Bilbao"ga qarshi o'yin hamda qolgan uchta uchrashuvda ham jamoasi raqobatbardosh bo'lishiga ishonch bildirdi. Ushbu g'alabadan so'ng "Sporting" 10 ochko bilan turnir jadvalida 8-o'rinda joylashgan bo'lsa, "Bryugge" 4 ochko bilan 26-o'rinda qoldi.
Mehmon guruhidagi foydalanuvchilar ushbu nashrga izoh qoldira olmaydi.
