Rossiya Kubogi doirasida “Krasnodar” yarimhimoyachisi Nikita Krivsovning golni nishonlash paytidagi g‘ayrioddiy harakati unga qimmatga tushdi. “Orenburg” darvozasiga 4-daqiqada gol urgan futbolchi maydonda O‘rgimchak odam niqobini kiyib oldi — natijada hakam darhol sariq kartochka ko‘rsatdi.
Klub bosh murabbiyi Murad Musayev aytishicha, Krivsovga ichki tartib bo‘yicha jarima ham qo‘llangan. Futbolchi o‘z xatti-harakatini tan olib, jamoadan uzr so‘ragan.
“Krasnodar” uchrashuvni kuchli tarzda yakunladi — 4:0 hisobida g‘alaba. Ammo Krivsovning niqobli shodonligi unga qimmatga tushdi: futbolchida avvaldan ham bir sariq bor edi va endi u yarim finaldagi SSKAga qarshi birinchi o‘yinni o‘tkazib yuboradi.
“Ozon Arena”dagi o‘yin muxlislar uchun tom ma’noda shou bo‘ldi, lekin Spaydermen shodiyonaligi futbol qoidalarida o‘rin olmagani yana bir bor isbotlandi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
