Karib dengizidagi Kurasao oroli tarixga kirdi — u Jahon chempionatiga yoʻllanma olgan eng kichik davlat boʻldi. Kurasao Yamayka bilan durang oʻynagan holda guruh bosqichida birinchi oʻrinni egalladi.
Ushbu davlat aholisi 180 ming kishidan iborat boʻlib, maydoni esa Toshkentning bir qismi bilan tengdir. Kurasao futbol jamoasiga sobiq Rossiya terma jamoasi bosh murabbiyi Dik Advokat rahbarlik qilmoqda.
Bu yilgi Jahon chempionatiga chiqqan kichik davlatlar roʻyxati shunchaki Kurasao bilan cheklanmaydi. Quyida Jahon chempionatiga chiqishga muvaffaq boʻlgan eng kichik 10 davlat bilan tanishing: 10.
Paragvay – 7 million aholi Paragvay 16 yillik tanaffusdan soʻng Jahon chempionatiga qaytmoqda. Janubiy Amerika saralash bosqichida oltinchi oʻrinni egallagan ushbu davlat bir vaqtlar 2010-yilda chorak finalga chiqqan edi.
Taʼkidlash joizki, Paragvay 2030-yilgi Jahon chempionatining ham mezbon davlatlaridan biri boʻlishi rejalashtirilgan. 9.
Norvegiya – 5,6 million aholi Norvegiya 1998-yildan beri ilk bor Jahon chempionatiga yoʻllanma oldi. Jamoaning asosiy yulduzi Erling Xoland saralash bosqichida 8 oʻyinda 16 ta gol urib, oʻz mamlakatini finalga olib chiqdi.
8. Shotlandiya – 5,5 million aholi Shotlandiya futbolchilari Neapolda oʻtkazilgan soʻnggi oʻyinda Daniyani 4:2 hisobida magʻlub etib, 1998-yildan beri ilk bor Jahon chempionatiga chiqish imkoniyatini qoʻlga kiritdi.
Ammo Shotlandiya hali biror marta guruh bosqichidan oʻtolmagan. 7.
Yangi Zelandiya – 5,2 million aholi Yangi Zelandiya 2010-yildan beri ilk bor Jahon chempionatida qatnashadi. Okeaniya hududida boʻlib oʻtgan saralash bosqichida Yangi Zelandiya finalda Yangi Kaledoniyani magʻlub etdi.
6. Panama – 4,5 million aholi Panama ilk bor 2018-yilda Jahon chempionatida ishtirok etgan edi.
Bu safar esa ular KONKAKAFning A guruhida birinchi oʻrinni egalladi. 5.
Xorvatiya – 3,8 million aholi Xorvatiya futbol jamoasi 2022-yilda uchinchi oʻrinni va 2018-yilda ikkinchi oʻrinni qoʻlga kiritgan edi. Luka Modrich boshchiligida jamoa saralash bosqichida kuchli oʻyin koʻrsatdi va finalga yoʻllanma oldi.
4. Urugvay – 3,3 million aholi Urugvay Jahon chempionatini ikki marta yutgan eng kichik davlat hisoblanadi.
2010-yilgi musobaqada ular chorak finalga chiqqan, ammo soʻnggi yillardagi natijalari unchalik yaxshi emas edi. Bu safar ular oʻz natijalarini yaxshilashga umid qilmoqda.
3. Qatar – 3,1 million aholi 2022-yilda mezbon sifatida qatnashgan Qatar bu safar ilk bor saralash bosqichidan oʻtib Jahon chempionatiga chiqdi.
2. Kabo-Verde – 528 ming aholi Afrika hududidagi Kabo-Verde davlatining Jahon chempionati saralashida Kamerunni magʻlub etib, final bosqichiga yoʻl olgani katta eʼtiborga sazovor boʻldi.
1. Kurasao – 185 ming aholi Kurasao Jahon chempionatiga chiqqan eng kichik davlat hisoblanadi.
Sobiq Rossiya terma jamoasi murabbiyi Dik Advokat boshchiligida ular Yamaykani magʻlub etib, tarixda ilk bor chempionatda ishtirok etadi.
Mehmon guruhidagi foydalanuvchilar ushbu nashrga izoh qoldira olmaydi.
