Ispaniya chempionatining 14-turida "Malorka" va "Osasuna" jamoalari oʻzaro toʻqnash kelishdi. Oʻyinda hisob 62-daqiqagacha ochilmadi, shundan soʻng mezbonlar penaltidan Vedat Muriki orqali oldinga chiqib olishdi.
Bir necha daqiqa oʻtib, Kosovoning milliy terma jamoasi vakili Vedat Muriki yana gol urib, hisobni 2:0 koʻrinishiga olib keldi. Biroq "Osasuna" magʻlubiyatga rozi boʻlmadi va oʻyinga qaytishga erishdi.
82-daqiqada Raul Garsiya hisobni qisqartirdi. Ikkinchi boʻlimga qoʻshilgan vaqtning soʻnggi daqiqalarida Flavian Boyomo gol urib, yakuniy hisobni 2:2 koʻrinishida belgiladi.
Shunday qilib, "Malorka" va "Osasuna" durang natija bilan maydonni tark etishdi. Jamoalar hozirda turnir jadvalida mos ravishda 15-va 17-oʻrinlarni band etgan boʻlib, "Malorka" 13 ochko, "Osasuna" esa 12 ochko toʻplagan.
Mehmon guruhidagi foydalanuvchilar ushbu nashrga izoh qoldira olmaydi.
