Nottingem Forest markaziy himoyachisi Murilo faoliyatini Londonning Chelsi klubida davom ettirishi mumkin. Bu haqda TEAMtalk xabar bermoqda.
Maʼlumotlarga koʻra, Chelsi 23 yoshli braziliyalik futbolchini uzoq vaqtdan beri kuzatib kelmoqda. Biroq, yanvar oyida himoyachi Nottingem Forest bilan yangi shartnoma imzoladi, bu esa "o'rmonchilar"ning pozitsiyasini mustahkamladi.
Muriloni qoʻlga kiritish uchun "koʻklar" kamida 80 million yevro toʻlashi kerakligi aytilmoqda. Joriy mavsumda futbolchi barcha musobaqalarda 13 ta oʻyinda maydonga tushib, bitta gol urishga muvaffaq boʻldi.
Braziliyalikning Nottingem Forest bilan amaldagi shartnomasi 2029 yilning yozigacha moʻljallangan. Transfermarkt mutaxassislari Muriloning narxini 55 million yevroga baholamoqda.
Mehmon guruhidagi foydalanuvchilar ushbu nashrga izoh qoldira olmaydi.
