"Inter" jamoasi yakshanba kuni Italiya chempionati doirasida "Piza"ga qarshi safar o'yinini o'tkazdi. Kristian Kivu boshchiligidagi "neradzurri" jamoasi uchrashuv davomida ustunlik qilgan bo'lsa-da, uzoq vaqt gol ura olmadi.
69-daqiqagacha hisob o'zgarmadi. Nihoyat, jamoa sardori Lautaro Martines vaziyatni o'z qo'liga oldi.
Argentinalik hujumchi jarima maydoni markazida chap qanotdan berilgan uzatmani kuchli zarba bilan darvoza toʻriga joylab, "Inter"ni oldinga olib chiqdi. 83-daqiqada Martines ikkinchi golni kiritdi.
Nikolo Barellaning o'ng qanotdan bergan pasini uzoq tirgak yaqinida aniq yakunlab, dublni rasmiylashtirdi. Shundan so'ng, Lautaro maydonni tark etdi.
Uchrashuv "Inter"ning 2:0 hisobidagi ishonchli g'alabasi bilan yakunlandi. Ushbu natijadan so'ng "neradzurri" ochkolar soni bo'yicha "Roma"ni quvib yetdi.
Endi "Inter" "Milan"dan atigi bitta ochko orqada bormoqda, ammo "Roma" hali kechki o'yinda "Napoli" bilan bellashadi.
Mehmon guruhidagi foydalanuvchilar ushbu nashrga izoh qoldira olmaydi.
