"Liverpul" jamoasi Angliya Premyer-ligasining 15-turida safarda "Lids" bilan durang o‘ynadi va yana muxlislarini hayajonga soldi. O‘yin davomida Liverpul uch marta oldinga chiqib olgan bo‘lsa-da, bu ustunlikni saqlab qololmadi.
Birinchi bo‘limda "Liverpul" o‘yinchisi Kyortis Jons chap qanotdan markazga o‘tib, uzoq masofadan kuchli zarba yo‘lladi, ammo to‘p darvoza ustuniga tegib qaytdi. Ikkinchi bo‘limning 48-daqiqasida "Lids" himoyachisi xatoga yo‘l qo‘yib, to‘pni noto‘g‘ri uzatdi.
Bu vaziyatdan "Liverpul" hujumchisi Ugo Ekiteke unumli foydalandi va darvozani ishg‘ol qildi — 0:1. Oradan ikki daqiqa o‘tib, Konor Bredlining uzatmasi orqali yana Ekiteke hisobni 0:2 ko‘rinishiga olib keldi.
O‘yinning 73-daqiqasida "Lids" tezkor hujum uyushtirdi va Ibraima Konate jarima maydonchasida qo‘pollik qilgani uchun penalti belgilandi. Dominik Kalvert-Lyuin 11 metrlik jarima zarbasini aniq amalga oshirdi — 1:2.
Oradan ikki daqiqa o‘tib, Anton Stax "Lids" safidan hisobni tenglashtirdi — 2:2. 80-daqiqada Dominik Soboslai "Liverpul"ni yana oldinga olib chiqdi — 2:3.
Ammo 90-daqiqada "Lids" futbolchisi Ao Tanaka burchak zarbasidan berilgan uzatmadan so‘ng to‘pni darvozaga yo‘lladi va hisobni yana tenglashtirdi — 3:3. Natijada "Liverpul" turnir jadvalida oltinchi o‘rinni egallab turibdi, "Lids" esa oxirdan to‘rtinchi pog‘onani band etdi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
