Fransiyalik jurnalist Daniyel Riolo Matvey Safonovning «PSJ» start tarkibida ketma-ket to'rt o'yinda maydonga tushishini ikki ehtimoliy omil bilan izohladi. Riolo fikricha, rossiyalik darvozabon mashg'ulotlarda Lyuka Shevalyedan yaxshiroq ko'rinayotgani, shuningdek, raqibiga nisbatan ruhiy jihatdan ham barqarorroq bo'lishi mumkin.
«Mashg'ulotlarda nimadir bo'layotganga o'xshaydi. Aftidan, Shevalye u yerda yuqori saviya ko'rsatayotgani yo'q.
U psixologik tushkunlik holatida, mavsum boshidan ko'ngli qolgan va mutlaqo zaif», dedi Riolo RMC Sport'dagi After Foot efirida. Safonov Fransiya chempionatida «Renn» va «Mets»ga qarshi o'yinlarda, Chempionlar ligasida Ispaniyaning «Atletik» jamoasiga qarshi uchrashuvda hamda FIFA Qit'alararo kubogi finalida Braziliyaning «Flamengo»siga qarshi bahsda maydonga tushdi.
Ushbu to'rt o'yinda u uch gol o'tkazib yubordi, finalda esa braziliyaliklar bilan penaltilar seriyasida ketma-ket to'rtta zarbani qaytardi. «PSJ» bosh murabbiyi Luis Enrike esa Safonov endi asosiy darvozabonga aylanadimi, degan savolga aniq javob bermadi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
