Myunxenning «Bavariya» klubi bosh murabbiyi Vensan Kompani «Haydenhaym»ga qarshi 4:0 hisobidagi uchrashuvda ilk bor maydonga tushgan Kassiano Kiala va Devid Santush Dayber haqida fikr bildirdi. 16 yoshli himoyachi qo'shib berilgan daqiqalarda zaxiradan o'yinga qo'shildi, 18 yoshli yarim himoyachi esa 72-daqiqada maydonga tushdi.
«Kiala va Dayber qariyb sakkiz oydan beri biz bilan birga mashg'ulot o'tkazmoqda. Treninglarda ular doim Keyn va Kimmix kabi futbolchilarga qarshi o'ynaydi, shuning uchun ancha tajriba to'plashdi.
Biz ularga ishonishimiz mumkinligini oldindan bilardik», dedi Kompani matbuot anjumanida. «Bavariya» qishki tanaffusga Bundesliganing turnir jadvalida peshqadam sifatida yo'l oldi.
Jamoaning Dortmundning «Borussiya»sidan ustunligi to'qqiz ochkoni tashkil etadi.
Mehmon guruhidagi foydalanuvchilar ushbu nashrga izoh qoldira olmaydi.
