Toshkent shahridagi Humo arena majmuasida professional boks oqshomi bo‘lib o‘tdi. Mazkur sport kechasida bir qator o‘zbekistonlik charm qo‘lqop ustalari ringga chiqib, muxlislarga tomoshabop va keskin janglar taqdim etdi.
Oqshomning eng kutilgan va markaziy to‘qnashuvida o‘zbekistonlik bokschi Timur Nikulin hamda Qozog‘iston vakili Erkabulan Toktar o‘zaro kuch sinashdi. Bahsga bo‘lgan qiziqish juda yuqori edi, biroq jang ko‘pchilik kutganidek uzoq davom etmadi.
Bellashuvning birinchi raundiyoq keskin boshlandi. Erkabulan Toktar faol hujum taktikasi va aniq zarbalari bilan ustunlikni qo‘lga oldi. Natijada u 1-raunddayoq Timur Nikulinni texnik nokautga uchratib, ishonchli g‘alabaga erishdi.
Bu natija boks ishqibozlari uchun kutilmagan yakun bo‘lsa-da, jangning yuqori sur’ati va keskinligi kechaga alohida shiddat bag‘ishladi. Humo arenada to‘plangan muxlislar esa har ikki bokschini ham qo‘llab-quvvatlab, haqiqiy sport muhitini yaratishdi.
Mehmon guruhidagi foydalanuvchilar ushbu nashrga izoh qoldira olmaydi.
