Kapello Milanga himoyada ishonch beradigan himoyachi kerak dedi

“Milan”ning sobiq bosh murabbiyi va Rossiya terma jamoasi bilan ishlagan Fabio Kapello klubning bugungi tarkibida nimadir yetishmayotganini aytdi. Mutaxassis fikricha, “rossoneri”ga mudofaada barqarorlik qo‘shadigan tajribali himoyachi zarur. Bu haqda euro-football.ru xabar beradi.

Kapelloning ta’kidlashicha, ayni paytda darvozabon Mayk Menyan ko‘pincha himoyadagi xatolarni “tozalash”ga majbur bo‘lyapti. Shu bilan birga, u kuchli himoyachilar hozir ko‘proq Saudiya Arabistoni yoki Angliya klublarini tanlayotganini qayd etdi, deya keltiradi pianetamilan.it.

Eslatib o‘tamiz, kecha A Seriyaning 17-turida “Milan” o‘z maydonida “Verona”ni 3:0 hisobida yirik tarzda mag‘lub etdi.