Rossiya terma jamoasi va Sankt-Peterburgning «Zenit» klubi yarimhimoyachisi Maksim Glushenkov milliy jamoa uchun 2025 yil qanday o‘tganiga munosabat bildirdi. Bu haqda euro-football.ru xabar beradi.
26 yoshli futbolchining aytishicha, jamoa yilni umuman olganda yomon o‘tkazmadi. U Chiliga qarshi uchrashuvdagi mag‘lubiyatni ham fojea sifatida ko‘rmasligini ta’kidlab, mag‘lubiyatsiz seriya baribir bir kun tugashi kerakligini eslatdi. Glushenkovning qayd etishicha, bu uchrashuvlar hanuz rasmiy maqomga ega emas.
O‘tayotgan yilda Valeriy Karpin boshchiligidagi Rossiya terma jamoasi 10 ta o‘yin o‘tkazdi: 6 g‘alaba, 3 durang va 1 mag‘lubiyat qayd etildi.
Eslatib o‘tamiz, 2022 yil fevralidan beri Rossiya terma jamoasi xalqaro musobaqalarda ishtirok etishdan chetlatilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
