“PSJ” darvozaboni Matvey Safonov Yangi yil munosabati bilan rossiyalik muxlislarga tabrik yo‘lladi. U murojaatini o‘zining Telegram kanalida e’lon qildi. Bu haqda euro-football.ru xabar beradi.
Safonov 2026 yil uchun uchta asosiy tilagini ham sanab o‘tdi: yangi yilda maqsadlarga erishish, o‘ziga ishonchni yo‘qotmaslik va hech narsadan shubhalanmaslik.
Darvozabon muxlislarga doimiy qo‘llab-quvvatlagani uchun rahmat aytdi. Hozirda u qo‘li singani sabab tiklanish jarayonini boshdan kechirmoqda.
Safonov dekabr oyida parijliklar safida ketma-ket to‘rt uchrashuvda asosiy tarkibda maydonga tushishga ulgurdi. Bu oraliqda u uchta gol o‘tkazib yubordi, shuningdek FIFA Qit’alararo kubogi finalida “Flamenko”ga qarshi penaltilar seriyasida ketma-ket to‘rtta zarbani qaytardi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
