Goal reytingi: APLda bu mavsumdagi eng "omadsiz transfer"lar ro‘yxati

Goal nashri Angliya Premer-ligasining joriy mavsumida kutilgan darajada o‘zini ko‘rsata olmagan transferlar bo‘yicha reytingini taqdim etdi. Ro‘yxat futbolchilarning maydondagi ishtiroki, statistikasi va ularga to‘langan summaga nisbatan qay darajada ta’sir bergani hisobga olingan holda tuzilgan.

Eng ko‘p muhokama qilinayotgan nuqta — birinchi o‘rin. «Liverpul» 125 million funtga olib kelgan shvetsiyalik hujumchi Aleksander Isak hozircha “katta narx — kichik foyda” ssenariysida: u APLda 10 o‘yin o‘tkazib, faqat 2 gol bilan cheklanib qolgan.

Ikkinchi pog‘onadan «Aston Villa» safida ijarada o‘ynayotgan Xarvi Elliott joy olgan bo‘lsa, uchinchi o‘rin «Nottingem Forest» futbolchisi Arno Kalimuendoga nasib etgan.

Goal talqiniga ko‘ra, APLda joriy mavsumda ishonchni oqlamayotgan transferlar ro‘yxati quyidagicha:

11. Randal Kolo-Muani («Tottenhem») — «PSJ»dan ijara

10. Jeymi Gittens («Chelsi») — 52 mln funt

9. Terno Barri («Everton») — 28 mln funt

8. Jeydon Sancho («Aston Villa») — «MYU»dan ijara

7. Milosh Kerkez («Liverpul») — 40 mln funt

6. Viktor Gokeresh («Arsenal») — 55 mln funt

5. Benyamin Sheshko («Manchester Yunayted») — 74 mln funt

4. Entoni Elanga («Nyukasl») — 55 mln funt

3. Arno Kalimuendo («Nottingem Forest») — 26 mln funt

2. Xarvi Elliott («Aston Villa») — «Liverpul»dan ijara

1. Aleksander Isak («Liverpul») — 125 mln funt

Qisqasi, ro‘yxat shunga ishora qilayaptiki: katta mablag‘ har doim ham katta natija degani emas. Endi asosiy savol — bu futbolchilar mavsumning ikkinchi yarmida “qayta yonib”, tanqidlarga javob qaytara oladimi?