“Nasaf”ning mahoratli yarim himoyachisi Oybek Bozorov faoliyatini Toshkentda davom ettiradi. Bu haqda “sherlar” matbuot xizmati rasman ma’lum qildi.
Xabarda aytilishicha, Oybek Bozorov endi “Paxtakor” futbolchisi hisoblanadi. Ta’kidlanishicha, tajribali yarim himoyachi jamoa bilan ikki yillik shartnoma imzolagan.
Statistikasi ham jiddiy: Bozorov hozirga qadar Superligada 165 ta uchrashuvda maydonga tushib, 23 ta gol urgan va 32 ta golli uzatma muallifi bo‘lgan. Osiyo klublari xalqaro musobaqalarida esa u 31 o‘yinda ishtirok etgan.
Qisqasi, “Paxtakor” markazda ishlaydigan, hujumni o‘tkirlashtiradigan va tempni ushlab turadigan tayyor futbolchini tarkibga qo‘shib oldi. Endi eng qizig‘i — Oybek Toshkentda o‘zining yangi sahifasini qanday ochadi? Muxlislar kutyapti.
“Zamin”ni Telegramʻda oʻqing!
