Angliya Premyer-ligasida 21-tur bahslari boshlandi. Londonning «Vest Hem» klubi navbatdagi mag‘lubiyatni qabul qildi: jamoa o‘z maydonida «Nottingem Forest»ga yutqazdi. Bu haqda euro-football.ru xabar beradi.
Klubning sobiq darvozaboni Rob Grin portugaliyalik bosh murabbiy Nunu Eshpiritu Santuning yaqin orada iste’foga chiqarilishini taxmin qilmoqda. Uning fikricha, natijalar kelmayotgan bir paytda mutaxassisning lavozimda qolishi qiyin.
«Men uning qanday qilib ishda qolishini tasavvur qila olmayman. Ba’zida bo‘lsa ham g‘alaba qozonmasdan turib qolib bo‘lmaydi. Bugun o‘yin yomon emasdi, ammo baribir ochko olinmadi. Men murabbiy almashinuvidan boshqa yo‘lni ko‘rmayapman», — deya uning so‘zlarini BBC Sport keltirdi.
Mag‘lubiyatdan so‘ng «Vest Hem» APL turnir jadvalida 18-o‘rinda qolmoqda.
“Zamin”ni Telegramʻda oʻqing!
