“Manchester Siti” bosh murabbiyi Xosep Gvardiola Chempionlar ligasida “Galatasaray”ga qarshi yaqinlashib kelayotgan bahsda jamoaga yordam bera olmaydigan futbolchilar ro'yxatini ma'lum qildi. Bu haqda euro-football.ru xabar beradi.
Mutaxassisning so'zlariga ko'ra, Mark Gexi, Antuan Semenyo va Rodrining ushbu uchrashuvda maydonga tushishi imkonsiz. Shuningdek, Niko Gonsales, Savio hamda Jon Stounz ham hali to'liq tayyor bo'lmaydi. Gvardiola jarohatlar va yo'qotishlar ro'yxati ancha uzun ekanini ta'kidladi.
Gvardiola “Siti” hozircha turnir jadvalida kuchli sakkizlikda emasligini eslatib, muxlislar qo'llab-quvvatlashi jamoaga kerakli turtki berishiga umid bildirdi. U vaziyat faqat “Manchester Siti” qo'lida emasligini aytdi, biroq top-8 uchun kurashni davom ettirishning yagona yo'li — o'z uchrashuvida albatta g'alaba qozonish.
Chempionlar ligasi umumiy bosqichining so'nggi turida “Manchester Siti” — “Galatasaray” o'yini 28 yanvar kuni bo'lib o'tadi. Uchrashuv 01:00 da (Toshkent vaqti bilan) boshlanadi.
“Zamin”ni Telegramʻda oʻqing!
