Niderlandiyaning Veyk-an-Zee shahrida o‘tayotgan Tata Steel Chess 2026 turnirida 8 tur ortda qoldi va eng yoqimli manzara — jadvalning yuqori qismida ikki hamyurtimiz qatorlab turibdi. Ayni paytda Nodirbek Abdusattorov 5,5 ochko bilan peshqadam, Javohir Sindarov esa 5 ochko bilan uning eng yaqin ta’qibchisi bo‘lib turibdi.
Endi esa muxlislarning kayfi “maksimal rejim”ga o‘tadi: 9-tur doirasida turnirning markaziy to‘qnashuvi — o‘zbekcha derbi. Sindarov oq donada Abdusattorovga qarshi o‘ynaydi va bu o‘yin natijasi faqat ikki shaxmatchining kayfiyatini emas, balki butun musobaqaning yuqori qismidagi balansni ham silkitib yuborishi mumkin.
Bu derbining kayfiyati boshqa: bu yerda “shunchaki durang” ham strategik ma’noga ega. Agar bahs durang bilan tugasa, yuqori pog‘onalardagi tartib katta o‘zgarishsiz qolishi ehtimoli yuqori — demak, har kim o‘z ritmini saqlab qoladi, tavakkal kamayadi, keyingi turlarda “katta hujum” uchun o‘rin qoladi.
O‘yin Toshkent vaqti bilan 17:45da boshlanadi — va shu paytda O‘zbekistondagi shaxmat ishqibozlari uchun futboldagi derbi kayfiyati shaxmat taxtasiga ko‘chadi. Qisqasi, bugungi bahsda bitta narsa aniq: dona-dono hisob, sovuqqonlik va bir xatoni kechirmaydigan daraja — hammasi maksimumda bo‘ladi.
“Zamin”ni Telegramʻda oʻqing!
