«Manchester Siti» bosh murabbiyi Xosep Gvardiola Erling Holannning so'nggi o'yinlarda gol urish ko'rsatkichlari pasaygani haqidagi savolga munosabat bildirdi. Bu haqda euro-football.ru xabar beradi.
Mutaxassisning ta'kidlashicha, jamoa hujumda yaxshiroq o'ynab, ko'proq vaziyatlar yaratishi kerak — shunda Holann yana muntazam gol ura boshlaydi. Gvardiola to'purarlarni hech qachon kamsitmaslik lozimligini aytib, «ertami-kechmi ular sizni jim qilishadi» deya ogohlantirdi. Uning fikricha, Holann faoliyati davomida gol urishda to'xtamaydi.
«Manchester Siti» 28-yanvar, chorshanba kuni Chempionlar ligasida «Galatasaroy»ni o'z maydonida qabul qiladi. Uchrashuv 01:00 da (Toshkent vaqti bilan) start oladi.
Shuningdek, xabarda Holann «Manchester Siti»ni faqat bitta klub uchun tark etishga tayyor ekani haqida ham eslatib o'tilgan.
“Zamin”ni Telegramʻda oʻqing!
