Madridning “Real” klubi bosh murabbiyi Alvaro Arbeloa yarim himoyachi Jud Belllingemning o‘yinidagi eng katta jihatlardan birini alohida ta’kidladi. Bu haqda euro-football.ru xabar beradi.
Chorshanba kuni “qirollik klubi” Chempionlar ligasi umumiy bosqichining so‘nggi turida safarda Portugaliyaning “Benfika” jamoasiga qarshi maydonga tushadi. Uchrashuv 01:00 da (Toshkent vaqti bilan) start oladi.
Arbeloaning aytishicha, u yaqinda o‘tgan o‘yindan 48 soat o‘tib Belllingemning yoniga borib, “Jud, shuncha ko‘p yugurishni bas qil”, degan. Murabbiy futbolchining tinimsiz harakatini “bu haqiqiy telbalik” deya baholagan.
Ma’lumot uchun, Alvaro Arbeloa 12-yanvar kuni “Real” bosh murabbiyi etib tayinlangan. O‘sha kuni klub Xabi Alonsoni lavozimidan ozod qilgan edi.
“Zamin”ni Telegramʻda oʻqing!
