Ispaniya terma jamoasi hamda Kataloniyaning “Barselona” klubi hujumkor yarim himoyachisi Lamin Yamal sobiq “ko'k-anorranglilar” hujumchisi Neymar bilan iliq munosabatlari haqida gapirdi. Bu haqda euro-football.ru xabar beradi.
18 yoshli futbolchi Braziliyani yoqtirishini va u yerga yana qaytishni xohlashini aytdi. Yamalning so'zlariga ko'ra, u Neymar bilan suhbatlashgan va agar ikkalasi ham 2026 yilgi jahon chempionati finaliga chiqsa, o'shanda birga ta'tilga borishga kelishib olgan. Shuningdek, u JCh-2026 finalida Ispaniya — Braziliya o'yinini kutayotganini ta'kidladi.
Eslatib o'tamiz, 2026 yilgi jahon chempionati yozda Shimoliy Amerikada bo'lib o'tadi. Turnirga AQSh, Kanada va Meksika mezbonlik qiladi. Amaldagi jahon chempioni esa Argentina terma jamoasi hisoblanadi.
“Zamin”ni Telegramʻda oʻqing!
