Transfermarkt qishki transferlar oynasining eng oxirgi kunida rasmiylashgan eng qimmat 10 bitimni jamladi. Reytingda eng katta “portlash”ni norvegiyalik hujumchi berdi — u 49,7 mln yevroga sotib olindi va bu ro‘yxatning tepasiga chiqdi.
Manba qayd etishicha, transfer oynasi ko‘plab top chempionatlarda 2 fevral, dushanba kuni yopildi. Ya’ni klublar “oxirgi soatlar”da tezlikni qo‘shib, kelishuvlarni shoshilinch tarzda yopib ketishdi — kimdir tarkibni kuchaytirdi, kimdir xavfni kamaytirdi, kimdir esa katta tavakkal qildi.
Eng qimmat uchlik ham diqqatga sazovor: Italiya va Fransiyadan chiqqan ikki yirik bitim, yana bir tomonda Saudiya yo‘nalishi. Qisqasi, pul ham bor, intriga ham bor, “bu nimasi endi” degan savol ham bor.
Qishning eng qimmat transferlari top-10 ligi 2025/2026:
1. Yorgen Strann Larsen — Vulverxemptondan Kristal Pelasga: 49,7 mln yevro
2. Ademola Lukman — Atalantadan Atletikoga: 35 mln yevro
3. Jorj Ilenixena — Monakodan Al Ittihodga: 33 mln yevro
4. Karim Benzema — Al-Ittihoddan Al-Hilolga: 25 mln yevro
5. Saymon Buabre — Neomdan Al-Hilolga: 23 mln yevro
6. Nilson Angulo — Anderlextdan Sanderlendga: 17,34 mln yevro
7. Rodrigo Mendosa — Elchedan Atletikoga: 16 mln yevro
8. Rudi Matondo — Oserdan Parijga: 15 mln yevro
9. Adrian Laxdo — Xammarbyudan Komoga: 11,94 mln yevro
10. Ismael Kone — Marseldan Sassuologa: 10 mln yevro
Transferlarning bu “oxirgi kun” ro‘yxati bitta narsani ko‘rsatdi: qishda ham katta pul aylanadi, lekin qarorlar yanada qattiq hisob-kitob bilan qilinadi. Chunki mavsum o‘rtasida xato qilsang — bahorda jadval seni kechirmaydi.
“Zamin”ni Telegramʻda oʻqing!
