“Manchester Siti” atrofida navbatdagi katta intriga paydo bo‘ldi. Klub bosh murabbiyi Pep Gvardiola amaldagi shartnomasini uzaytirmasligi haqida gap-so‘zlar yanada kuchaydi. “Bi-Bi-Si Sport” ma’lumotlariga ko‘ra, hozirning o‘zida klub ichida Gvardiolaning kelajagi borasida “aniqsizlik sezilarli” darajada ekani aytilmoqda.
Manbalarga qaraganda, yakuniy qaror mavsumning oxiriga yaqin yoki mavsum tugagach qabul qilinishi kutilmoqda. Hatto Pep keyingi mavsumni ham “Siti”da o‘tkazgan taqdirda ham, uning keyin yana bir bor shartnoma yangilashi ehtimoli past ekani qayd etilgan.
Eng muhimi — Gvardiolaning ketishi “Siti”ning o‘zigagina emas, butun Angliya Premer-ligasiga ham katta ta’sir qilishi mumkin. Chunki Pep 2016-yildan beri “shaharliklar”ni boshqarib kelyapti va shu davrda klubni zamonaviy futbolning eng kuchli loyihalaridan biriga aylantirdi (kuchli tizim, yutiladigan trofeylar, katta brend).
Shu fonida muxlislarning asosiy savoli bitta: agar Pep ketsa, “Manchester Siti”ni kim boshqarishi kerak? Klubga yana shu darajada tizimli, talabchan va bosimda ham sovuqqon qaror chiqaradigan mutaxassis topiladimi — intriga aynan shu yerda.
“Zamin”ni Telegramʻda oʻqing!
