APLning 25-turida «Nyukasl» yana ochko yo'qotdi va turnir jadvalining ikkinchi yarmida qolishda davom etyapti. Shunga qaramay, klub afsonasi Alan Shirer bosh murabbiy Eddi Xauning o'rni hozircha xavf ostida emasligini ta'kidladi. Bu haqda euro-football.ru xabar beradi.
Shirerning fikricha, vaziyat tashqaridan yomon ko'rinishi mumkin, ammo ayni damda murabbiyga bosim keskinlashganini aytish qiyin. U yozgi transferlar kutilgan darajada samarali bo'lmagani mumkinligini eslatib, bu masalada ayb to'liq Xauning zimmasidami-yo'qmi — bahsli ekanini qayd etdi. BBC Sport keltirgan iqtibosda Shirer Xauga hozir faqat natijalarni yaxshilash kerakligini, lekin uning lavozimiga real tahdid ko'rmayotganini aytgan.
Navbatdagi muvaffaqiyatsiz o'yindan so'ng «Nyukasl» APL jadvalida 13-o'ringa tushib ketdi.
“Zamin”ni Telegramʻda oʻqing!
