Neapol shahar hokimiyati «Napoli» uy uchrashuvlarini o‘tkazadigan Diyego Armando Maradona nomidagi stadionni qayta qurish loyihasi uchun 200 million yevro budjet ajratdi. Bu haqda La Repubblica nashri xabar berdi. Bu haqda euro-football.ru xabar beradi.
Rekonstruksiya yakunlangach, arena sig‘imi hozirgi 55 mingdan 65 ming tomoshabinga yetkazilishi ko‘zda tutilgan. Bunga yengil atletika yugurish yo‘laklarini olib tashlash hisobidan erishiladi.
Shuningdek, stadionga quyosh panellari o‘rnatilishi ham rejalashtirilgan — bu Yevropada ommalashgan “energetik mustaqillik” konsepsiyasini ta’minlashga xizmat qiladi.
Eslatib o‘tamiz, hozirda «Napoli» Italiya A Seriyasi turnir jadvalida uchinchi o‘rinda bormoqda va amaldagi mamlakat chempioni maqomida ishtirok etmoqda.
“Zamin”ni Telegramʻda oʻqing!
