TOCh Rossiya bo'yicha yumshash FIFA va UEFAGA ham ta'sir qiladi

Futbol eksperti Aleksandr Tochilin «Yevro-Futbol.Ru»ga bergan eksklyuziv intervyusida FIFA prezidenti Janni Infantino Rossiya jamoalariga qo'yilgan taqiqni bekor qilish tarafdori ekani va Xalqaro Olimpiya Qo'mitasi (XOQ) yaqin orada Rossiya sportiga qo'yilgan barcha sanksiyalarni olib tashlashi mumkinligi haqidagi xabarlarni izohladi. Bu haqda euro-football.ru xabar beradi.

Tochilin jahon OAVlarida XOQning Milandagi yig'ilishida Rossiya sportiga nisbatan cheklovlarni bekor qilish bo'yicha prinsipial qaror qabul qilingani aytilayotgani yuzasidan: «Bunga ishonishni ham, shunday bo'lishini ham xohlayman. Bunday gaplar anchadan beri yuribdi. Yevropadan izolyatsiyani bekor qiladigan aniq siyosiy qaror kerak. Ular ham Rossiyasiz yirik musobaqalarda intriga va ommaboplik pasayishini tushunadi. So'z amalda ham tasdiqlansa, juda yaxshi», dedi.

Infantino Rossiya terma jamoalari va klublarini chetlatish «ma'nosiz» ekani haqida gapirgani ham Tochilinning e'tiboridan chetda qolmadi. Uning fikricha, bu bayonot dunyoda vaziyat o'zgarib borayotganini ko'rsatadi: «Rossiyaga nisbatan ikki xil standart va biryoqlama yondashuvni ko'ryapmiz. Lekin vaqt bir joyda turmaydi, o'zgarishlar bo'lyapti. Ular o'zlari ham bunday ban — mantiqsiz holat ekanini anglayapti», dedi u.

Mutaxassis XOQ sanksiyalarni bekor qilsa, bu futbol tashkilotlariga ham ta'sir qilishi mumkinligini ta'kidladi. «Bu zanjirli reaktsiya bo'ladi: boshqa tashkilotlar ham qarorlarini qayta ko'rib chiqadi. Eng muhimi — kim birinchi qadam tashlaydi. XOQdek yirik tuzilma shunday qaror qabul qilsa, pretsedent paydo bo'ladi va kichikroq tashkilotlar ham ortidan ergashadi», — dedi Tochilin.

Infantino kelajakda siyosiy sabablar bilan jamoalarni musobaqalardan chetlatishni qonuniy jihatdan taqiqlash kerakligini aytgani borasida ham u qo'llab-quvvatlashini bildirdi: «Sportning bosh shiori — u siyosatdan xoli bo'lishi kerak. Rossiyaga nisbatan qabul qilingan qarorlar esa aynan shu tamoyilga zid chiqyapti», deya fikr bildirdi.

Shuningdek, OAV FIFA aprel oyidagi navbatdagi kongressda Rossiyaning xalqaro turnirlarga to'liq qaytishi masalasini muhokama qilishi mumkinligini yozayotgani ham eslatildi. Tochilin bunday muddatlarda qaytish ehtimolini inkor etmadi: «Agar bunday gap ketayotgan bo'lsa, demak, imkon bor. Bu ma'lumotlar havodan olinmaydi, endi ijobiy tomonga ham o'ylasa bo'ladi», dedi u.

Ekspertning qo'shimcha qilishicha, Rossiya qaytgan taqdirda ham ayrim raqiblar maydonga tushishdan bosh tortishi mumkin. Bu vaziyatda texnik mag'lubiyatlar muammoni tartibga solishi mumkin: «Har bir tashkilotning o'z reglamenti bor. Kimdir uni qanday sabab bo'lishidan qat'i nazar buzsa, belgilangan intizomiy chora qo'llanishi shart. Texnik mag'lubiyatlar boshqalarga ham signal bo'ladi: bunday demarshlar foyda bermaydi, aksincha o'zlariga zarar», — deya yakunladi Tochilin.

Yelena Grigoryevskaya