Braziliya terma jamoasi va Madridning «Real» klubi sobiq futbolchisi Roberto Karlos 41 yoshli portugaliyalik hujumchi Krishtianu Ronaldu faoliyatida 1000 ta gol urish maqsadi haqida fikr bildirdi. Bu haqda euro-football.ru xabar beradi.
«Ronaldu muxlislari uchun Krishtianuning tarix yaratib, yangi rekordlar o‘rnatayotganini ko‘rish juda yoqimli. 1000 gol urgan yagona futbolchi — Pele. Ronaldu ham bu ro‘yxatga qo‘shilishi mumkin», — deya Karlosning so‘zlarini O Jogo nashri keltiradi.
Joriy mavsumda yulduzli to‘purar Saudiya Arabistonidagi jamoasi safida 22 ta o‘yinda maydonga tushib, 18 ta gol urdi va 3 ta golli uzatma muallifi bo‘ldi. Xabarlarga ko‘ra, Ronaldu Saudiya ligasidagi transfer siyosatidan norozi bo‘lgani sabab «An-Nasr»ning so‘nggi uchrashuvlarida qatnashmadi.
“Zamin”ni Telegramʻda oʻqing!
