SSSR terma jamoasining sobiq darvozaboni Aleksandr Uvarov Rossiya va Isroil terma jamoalari o'rtasida uchrashuv o'tkazilishi mumkinligini aytdi. Hozirda Uvarov Tel-Avivning "Makkabi" klubi yoshlar jamoasida darvozabonlar murabbiyi bo'lib ishlaydi. Bu haqda euro-football.ru xabar beradi.
Uning fikricha, o'yinni tashkil etishga jiddiy to'siq yo'q. Uvarov Rossiya tomoni tashabbus ko'rsatsa, 2026 yilda Rossiya va Isroil terma jamoalari maydonda to'qnash kelishi mumkinligini ta'kidladi.
Shuningdek, u Rossiya va Isroil futbol federatsiyalari o'rtasidagi munosabatlar juda yaxshi ekanini qayd etdi.
Rossiya terma jamoasi sanksiyalar sharoitida asosan faqat o'rtoqlik uchrashuvlarini o'tkazmoqda. Mart oyidagi navbatdagi yig'in uchun raqiblar hozircha e'lon qilinmagan.
“Zamin”ni Telegramʻda oʻqing!
