Madridning “Real” jamoasi bosh murabbiyi Alvaro Arbeloa o'ng qanot himoyachisi David Ximenesni yana “Kastilya” safiga qaytarishga qaror qildi. Bu haqda euro-football.ru xabar beradi.
21 yoshli futbolchi yaqinda La Liga doirasida “Valensiya”ga qarshi o'yinda (2:0) “qaymoqranglilar”ning asosiy tarkibida maydonga tushib, o'zini ijobiy tomondan ko'rsatgandi. OAV xabarlariga ko'ra, u murabbiy kutganidan ham yaxshiroq taassurot qoldirgan.
Biroq Marca’ning yangilangan ma'lumotiga ko'ra, vaziyat o'zgardi: Arbeloa Ximenesni baribir zaxira jamoaga yuborish bo'yicha yakuniy qarorni qabul qilgan va bu masalani Daniel Karvaxal bilan muhokama qilgan. Taxminlarga qaraganda, 34 yoshli tajribali himoyachi shaxsiy suhbatda murabbiyini o'z darajasi borasida ishontira olgan.
Endi yaqin uchrashuvlarda Karvaxal asosiy tarkibga qaytishi kutilmoqda. Uning pozitsiyasida raqobatni esa jarohatdan forig' bo'lgan Trent Aleksander-Arnold kuchaytiradi.
“Zamin”ni Telegramʻda oʻqing!
