«Qayrat» himoyachisi Aleksandr Martynovich Chempionlar ligasidagi «Arsenal»ga qarshi o‘yindan so‘ng londonliklar futbolchisi Kay Haverts bilan bo‘lgan kulgili muloqoti haqida gapirib berdi. Martynovichning aytishicha, raqib uning yuzini qayerdandir taniyotgandek tuyulgan. Bu haqda euro-football.ru xabar beradi.
«U menga: “Nimadir sening yuzing juda tanish”, dedi. Men esa avvalroq “Bayer” bilan o‘ynab, ularni biroz qiynaganimizni, hatto keyingi bosqichga o‘tganimizni eslatdim. Keyin u “Chelsi”da bo‘lgan paytda ham to‘qnash kelganmiz, shuning uchun bir necha bor ro‘baro‘ kelganmiz”, — deya Martynovichning so‘zlarini «Chempionat» nashri «Match TV» efiriga tayanib keltirdi.
Futbolchi shuningdek, shaxsiy kolleksiyasida Havertsning o‘yin futbolkasi ham borligini ta’kidladi. Martynovich avvalroq Rossiyada «Krasnodar», «Ural» va «Rubin» safida ham to‘p surgan.
Eslatib o‘tamiz, «Arsenal» va «Qayrat» yanvar oxirida Chempionlar ligasining umumiy bosqichi yakuniy turida uchrashgan. Londonda bo‘lib o‘tgan bahsda mezbonlar 3:2 hisobida g‘alaba qozongan.
“Zamin”ni Telegramʻda oʻqing!
