Madridning “Real” klubi yarim himoyachisi Federiko Valverde Vinisius Juniorga nisbatan yuzaga kelgan irqchilik mojarosi va unda “Benfika” futbolchisi Janluka Prestianni tilga olingani haqida fikr bildirdi. Bu haqda euro-football.ru xabar beradi.
Uchrashuv davomida “qaymoqranglilar” hujumchisi hakamga argentinalik vinger tomonidan haqoratli so‘zlar aytilganini ma’lum qilgan. Biroq 20 yoshli futbolchining aybini isbotlash oson bo‘lmasligi mumkin, chunki u gapirayotganda labini futbolkasi bilan berkitib olgani aytilmoqda.
Valverdening ta’kidlashicha, og‘zini berkitib gapirish ko‘pincha jirkanch gap aytilayotganidan darak beradi. U Prestianni hech qachon ishlatilmasligi kerak bo‘lgan so‘zni aytganini, bu esa juda pastkash va achinarli holat ekanini qayd etdi. Valverdening so‘zlarini jurnalist Fabritsio Romano keltirdi.
O‘yinda “Real” 1:0 hisobida g‘alaba qozondi. Yagona gol muallifi esa aynan Vinisius Junior bo‘ldi.
“Zamin”ni Telegramʻda oʻqing!
