Angliya Premyer-ligasining 31-turida «Vulverhempton» chempionat yetakchisi Londonning «Arsenal»iga qarshi o'yinda mag'lubiyatdan qutulib, xarakter ko'rsatdi. «Bo'rilar» 0:2 hisobida ortda borayotgan paytda yarim soat qolganda himoyachi Ugo Bueno hisobni qisqartirib, kambek uchun turtki berdi. Bu haqda euro-football.ru xabar beradi.
Uchrashuvdan keyin Bueno birinchi golidan katta mamnunligini yashirmadi. «Birinchi golimdan juda xursandman. Mavsum biz uchun oson kechmayapti, ammo bu gol men uchun kichik tasalli. Eng muhimi, 0:2 dan qaytib, ochko oldik. Shu natija bizga keyingi o'yinlarda ham ijobiy turtki berishi mumkin», — deya uning so'zlarini BBC Sport keltirdi.
Shunga qaramay, ijobiy natijaga qaramasdan, «Vulverhempton» turnir jadvalida hanuz so'nggi o'rinda qolmoqda.
“Zamin”ni Telegramʻda oʻqing!
