“Manchester Siti” bosh murabbiyi Xosep Gvardiola Angliya Kubogidagi navbatdagi raqib — “Nyukasl”ga qarshi o‘yin oldidan quraga munosabat bildirdi. Bu haqda euro-football.ru xabar beradi.
Shanba kuni “shaharliklar” APL doirasida o‘z maydonida “qarg‘alar”ni 2:1 hisobida mag‘lub etdi. Jamoalar 7 mart kuni Angliya Kubogining beshinchi bosqichida yana to‘qnash keladi, bu safar bahs “Sent-Djeyms Park”da bo‘lib o‘tadi.
“Beshinchi raund qur’asida qatnashgan odamni tanimayman, ammo uch haftadan keyin “Nyukasl” maydoniga borish — chinakam dahshat. Rostini aytsam, ular bizga nisbatan biroz mehribonroq bo‘lishi mumkin edi”, — dedi ispaniyalik mutaxassis matbuot anjumanida.
Eslatib o‘tamiz, “Manchester Siti” va “Nyukasl” yaqinda Liga kubogi yarim finalida ikki o‘yinlik qarama-qarshilikda ham uchrashgan, unda Gvardiola jamoasi umumiy 5:1 hisobida ustun kelgan.
“Zamin”ni Telegramʻda oʻqing!
