Fransiya Liga 1 ning 23-turida bir nechta uchrashuvlar yakunlandi va turning dastlabki natijalari ancha qiziqarli chiqdi. Bu haqda euro-football.ru xabar beradi.
Safarda "Anje"ga qarshi o'yinda "Lill" uzoq davom etgan g'alabasiz seriyasiga nuqta qo'ydi. Uchrashuvdagi yagona golni birinchi bo'lim oxirlarida Olivye Jiru penaltidan aniq amalga oshirdi — 1:0.
"Nant" esa o'z maydonida "Gavr"ni 2:0 hisobida mag'lub etib, muxlislarini xursand qildi. 3-daqiqada raqib futbolchisining avtogoli hisobni ochgan bo'lsa, 34-daqiqada Ignatius Ganago 11 metrlik zarbani golga aylantirib, yakuniy natijani belgilab berdi.
Turdagi eng dramatik bahslardan biri "Nitsa" — "Loryan" o'yinida kuzatildi. Mezbonlar uch bor oldinga chiqdi, biroq 90-daqiqada o'tkazib yuborilgan gol sabab g'alaba qo'ldan chiqdi — 3:3.
“Zamin”ni Telegramʻda oʻqing!
