Madridning "Real" klubi markaziy himoyachi Antonio Rydigerni Chempionlar ligasida "Benfika"ga qarshi javob uchrashuvida asosiy tarkibga qaytarmoqchi. Bu haqda euro-football.ru xabar beradi.
"Qirollik klubi" pley-off bosqichi doirasidagi ikkinchi o'yinni o'z maydonida o'tkazadi. Uchrashuv chorshanba kuni bo'lib o'tadi. Gazeta.ru Diario ASga tayanib xabar berishicha, bosh murabbiy Alvaro Arbeloa boshchiligidagi shtab La Ligadagi "Osasuna"ga qarshi bahsda (1:2) zaxirada qolgan Rydigerni bu safar startda tushirishni rejalashtirmoqda.
Shu bilan birga, "Real" 32 yoshli futbolchining sog'lig'ini ehtiyot qilmoqda: u to'liq tiklanib olmaguncha, haftasiga ikki marta maydonga tushirish orqali tavakkal qilmoqchi emas.
Eslatib o'tamiz, birinchi uchrashuvda Arbeloa shogirdlari Lissabonda "Benfika"ni 1:0 hisobida mag'lub etgandi.
“Zamin”ni Telegramʻda oʻqing!
