Nepomnyashiy Rossiya uchun har qanday raqib qulayligini aytdi

Rossiyalik murabbiy Valeriy Nepomnyashiy Kamerun terma jamoasi bilan ishlagan davrini eslab, Rossiya — Mali o'rtasidagi BetBoom o'rtoqlik uchrashuvi oldidan fikr bildirdi. O'yin 27 mart kuni bo'lib o'tadi. Bu haqda euro-football.ru xabar beradi.

Nepomnyashiyning ta'kidlashicha, terma jamoa hozirgi izolyatsiya sharoitida deyarli istalgan raqib bilan o'ynashga majbur va bu vaziyatda har qanday opponent Rossiya uchun maqbul. U Malini mutlaq favorit deb hisoblamasa-da, bahs oson kechmasligini qayd etdi. Murabbiy texnik jamoalar qatoriga Senegal va Kamerunni, ingliz uslubiga yaqin jamoalar sifatida esa Gana hamda Malini misol keltirdi.

Ma'lumot uchun, Mali FIFA reytingida 54-o'rinda bormoqda, Valeriy Karpin boshqaruvidagi Rossiya esa 36-pog'onani egallab turibdi. Bu terma jamoalar avval hech qachon o'zaro uchrashmagan.