Shvetsiya terma jamoasi bosh murabbiyi Grem Potter Londonning «Arsenal» klubi hujumchisi Viktor Dyokeresh manziliga bildirilgan tanqidlar futbolchining o'ziga foyda berganini ta'kidladi. Bu haqda euro-football.ru xabar beradi.
«Kanonirlar» shved forvardini o'tgan yozda Lissabonning «Sporting» jamoasidan tarkibga qo'shib olgandi. Dyokeresh mavsum davomida unchalik yuqori natijadorlik ko'rsatayotgani uchun tez-tez tanqid ostida qoldi, bosh murabbiy Mikel Arteta esa ayrim o'yinlarda boshqa variantlarni afzal ko'rdi.
Potterga ko'ra, bosim va e'tirozlar Viktorning fe'l-atvoridagi mustahkamlikni yanada yaqqol ko'rsatdi. Murabbiy Dyokereshning darajasi borasida shubhalanmasligini aytib, uni yuqori klassdagi futbolchi va yaxshi inson sifatida ta'rifladi. Shuningdek, u hujumchi «Arsenal»ning barcha to'rtta musobaqadagi natijalariga o'z hissasini qo'shganini qo'shimcha qildi. Potter fikricha, tanqid — har bir futbolchining kasbiga xos sinovlardan biri.
Joriy mavsumda Viktor Dyokeresh «Arsenal» safida 36 uchrashuvda maydonga tushib, 15 ta gol urdi va 2 ta golli uzatmani amalga oshirdi.
“Zamin”ni Telegramʻda oʻqing!
