Fransuzning PSJ klubi darvozaboni Matvey Safonov jamoasi Chempionlar ligasida keyingi bosqichga yo‘l olganidan so‘ng o‘z fikrlari bilan o‘rtoqlashdi. Bu haqda euro-football.ru xabar beradi.
Parijliklar avvalroq «Monako» bilan 2:2 hisobida durang o‘ynadi va ikki uchrashuv natijasiga ko‘ra 5:4 hisobida ustun kelib, turnirning 1/8 finaliga chiqdi.
Safonov shaxsiy Telegram kanalida e’lon qilingan videoda tug‘ilgan kunida Chempionlar ligasida maydonga tushishini avval tasavvur ham qilmaganini aytdi. Darvozabon o‘yindan keyin ham ruhan, ham jismonan juda charchaganini, bahs og‘ir kechganini ta’kidladi va bugun Parijda haqiqiy bayram kayfiyati hukm surayotganini qo‘shimcha qildi.
1/8 finalda PSJ «Chelsi» yoki «Barselona» bilan to‘qnash keladi. Qur’a tashlash marosimi ertaga, 27-fevral kuni bo‘lib o‘tadi.
“Zamin”ni Telegramʻda oʻqing!
