«Aston Villa»ning sobiq futbolchisi Li Hendri Angliya chempionatidagi navbatdagi mag‘lubiyatdan so‘ng jamoa atrofidagi vaziyatdan xavotir bildirdi. Chempionlar Ligasi yo‘llanmasi uchun kurashayotgan birmingemliklar turnir jadvalida oxirgi o‘rinda borayotgan «Vulverhempton»ga 0:2 hisobida yutqazdi. Bu haqda euro-football.ru xabar beradi.
UnaI Emeri boshchiligidagi «Aston Villa» APLdagi so‘nggi 10 o‘yinning atigi uchtasida g‘alaba qozongan.
«Oldin jamoa yaxshi formaga kirgan edi, hozir esa na xarakter, na ishonch ko‘rinadi. Natijalar juda yomon. “Villa”ning mavsumi hozir ip ustida turibdi… Men vahimaga tusha boshladim. Oldinda katta o‘yinlar bor, jamoa tarqab ketishi mumkinligini ko‘ryapman», — deya Hendrining so‘zlarini Sky Sports keltiradi.
«APLning hal qiluvchi bosqichi ketmoqda, lekin men reaksiyani ko‘rmayapman — bu meni tashvishga solyapti. Yaqinda chempionlik poygasi haqida gap ketayotgandi, endi esa top-5dan chiqib ketish xavfi muhokamada. Bu falokat bo‘ladi», — dedi u.
«Aston Villa»ni oldinda muhim sinovlar kutmoqda: chempionatda «Chelsi» va «Manchester Yunayted»ga qarshi o‘yinlar, shuningdek Yevropa Ligasida «Lill» bilan ikki uchrashuvdan iborat qarama-qarshilik.
“Zamin”ni Telegramʻda oʻqing!
