"PSJ" darvozaboni Matvey Safonov rus bilyardi uning sevimli mashg'ulotlaridan biri ekanini ma'lum qildi. Bu haqda euro-football.ru xabar beradi.
Uning so'zlariga ko'ra, bu qiziqish "Krasnodar"dagi davrida boshlangan: klub bazasida bilyard stoli bo'lib, futbolchilar bo'sh paytida bir-ikki partiya o'ynab turishardi.
Safonov Telegram kanalida yozishicha, hammasi uy yonidagi oddiy bilyardxonaga do'stlari bilan borishdan start olgan, keyin esa asta-sekin chinakam hobbiga aylangan: u o'z kiyini sotib olgan, hatto individual mashg'ulotlarni ham sinab ko'rgan.
Vaqt o'tib, darvozabon bilyardni professional darajaga olib chiqish niyati yo'qligini anglab, uni shunchaki xobbi sifatida qoldirganini va o'yinni yanada kuchaytirishga urinishni to'xtatganini ta'kidladi.
“Zamin”ni Telegramʻda oʻqing!
