Yevropa qit’asida 2026 yilgi Jahon chempionati yo‘llanmasi uchun kurash tobora qizg‘in va kuchli raqobatli tus olmoqda. Saralash pley-off bosqichining yarimfinal bahslari yakunlanib, ba’zi terma jamoalar hal qiluvchi finalga chiqish imkoniyatlarini qo‘lga kiritdi.
Ushbu bosqich doirasida Chexiya milliy jamoasi o‘z maydonida Irlandiyaga qarshi bahs olib bordi. Asosiy vaqt davomida mezbonlar kambek amalga oshirdi va o‘yinda 2:2 hisobida durang qayd etildi.
Irlandiya Perrottning 19-daqiqadagi penaltisi orqali hisobni ochdi. 23-daqiqada Chexiya darvozasida avtogol kuzatildi va hisob mehmonlar foydasiga 0:2 ko‘rinishga keldi. Chexiyaning birinchi golini 27-daqiqada Shik penaltidan kiritdi. Mezbonlar 86-daqiqada Kreychiyning goli evaziga kambek amalga oshirdi, jamoa uchun muhim bo‘lgan ikkinchi golni kiritishga muvaffaq bo‘ldi.
Penaltilar seriyasida Chexiya muvaffaqiyatli harakat qildi va 4:3 hisobida g‘alaba qozondi. Bu natija ularga final yo‘llanmasini qo‘lga kiritish imkonini berdi va muxlislar orasida katta hayajon uyg‘otdi.
JCH-2026 saralashi.
Pley-off. Yarimfinal
Chexiya — Irlandiya 2:2
Penaltilar seriyasi — 4:3.
Gollar: Shik (27, penalti), Kreychiy (86) — Perrott (19, penalti), Kovar (23, avtogol).
Endi Chexiya terma jamoasi 31 mart kuni o‘z maydonida pley-off finalida Daniyaga qarshi bahs yuritadi. Bu o‘yinda Jahon chempionatiga yo‘llanmani qo‘lga kiritish uchun har ikki jamoa ham barcha imkoniyatlarini ishga soladi. Muxlislar esa final bahsidan katta hayajon va ko‘tarinki kayfiyat kutmoqda.
“Zamin”ni Telegramʻda oʻqing!
