Angliya Premer-ligasi turnirdagi eng ko'p maosh oladigan futbol murabbiylari ro'yxatini rasman e'lon qildi. So'nggi xabarlarga ko'ra, "Manchester Siti" bosh murabbiyi Pep Gvardiola oyiga 1.92 million yevro miqdoridagi ajoyib maosh bilan birinchi o'rinni egallab turibdi.
"Arsenal" bosh murabbiyi Mikel Arteta ro'yxatda ikkinchi o'rinni band etdi. Hozirda u oyiga 1.25 million yevro ishlab topadi. Kuchli uchlikni oyiga 770,000 yevro maosh oladigan "Aston Villa" bosh murabbiyi Unai Emeri yakunlab berdi.
Qizig'i shundaki, moliyaviy reytinglar Angliya Premer-ligasining joriy turnir jadvalini to'liq aks ettirmaydi. Ayni damda "Arsenal" 70 ochko bilan chempionat jadvalida peshqadamlik qilmoqda. Gvardiolaning "Manchester Siti" jamoasi esa 61 ochko bilan ikkinchi o'rinda bormoqda.
“Zamin”ni Telegramʻda oʻqing!
