Angliya kubogi chorak finalida “Manchester Siti” va “Liverpul” o‘rtasidagi bahs ekspertlar tomonidan qizg‘in muhokama qilinmoqda. Muhammad Salohning Abduqodir Husanov bilan o‘zaro kurashi va o‘zbek futbolchisi to‘pni qaytargan holat, alohida diqqatga sazovor bo‘ldi. Bu vaziyatda Salohning gol urish imkoni yo‘qolgani ko‘pchilikning eʼtiborini tortib, o‘yin taqdiriga taʼsir qilganini ko‘rsatdi.
Jo Xart, sobiq Angliya terma jamoasi darvozaboni, Salohning ishonchi pasaygani va o‘yin boshidagi muhim vaziyatlarda gol urolmaganini taʼkidladi. TNT Sports telekanaliga bergan intervyusida, u Salohning so‘nggi o‘yinini tahlil qilib, uning o‘z ishonchiga shubha qilganini ifodaladi.
Jo Xart shunday taʼkidladi: “Rostini aytsam, bu gal Salohning o‘yinini tomosha qilish qiyin edi. Biz uning shunchalik ishonchli o‘yinchi ekaniga o‘rganib qolgan ekanmiz”.
Xartning fikricha, Salohning xatolari, ayniqsa, Husanovning to‘pni olib qo‘ygan vaziyatda u o‘z ishonchini yo‘qotgan. Uning so‘zlariga ko‘ra, shu holatdan so‘ng, Salohning o‘yinidagi farq aniq sezila boshlagan.
- Menimcha, o‘sha birinchi holat — Abduqodir Husanov yiqilib, keyin o‘rnidan turib, zarba berishga shaylangan Muhammad Salohdan to‘pni olib qo‘ygan payt — misrlik to‘purar bugungi kunda qanday o‘ynayotganining haqiqiy ko‘rsatkichi bo‘ldi, - dedi Jo Xart.
Jo Xart Salohning ruhiy holatini ko‘rib, uning tushkunlikka tushganini taʼkidladi. Uning so‘zlariga ko‘ra, bu juda katta ahamiyatga ega, chunki Salohning klubni tark etish ehtimoli jamoa natijasiga taʼsir ko‘rsatgan.
- Bu bahsda Muhammad Salohga qiyin bo‘ldi va u juda tushkun ko‘rindi. Biz uni tanaffusdan so‘ng maydonga qaytib chiqqanini ko‘rdik. U sinib qolgandi, butunlay sinib qolgandi, - dedi sobiq darvozabon.
Shunga qaramay, Xart Salohning tajribasini va jamoa uchun qanchalik muhimligini eʼtirof etdi. “Liverpul” uchun u har doim muhim o‘yinchi bo‘lib, jamoa uning gollariga ehtiyoj sezmoqda, deb qo‘shdi.
- Saloh tajribali o‘yinchi. U “Liverpul” uchun juda muhim… hozir u maydonda 100 foiz ishlashi va jamoasi uchun gollar urishi kerak, - dedi Jo Xart.
“Zamin”ni Telegramʻda oʻqing!
