O‘zbekiston dzyudochilari Osiyoda: Alisher Yusupov - Osiyo chempioni!
Ordos shahrida bo‘lib o‘tayotgan дзюдо bo‘yicha Osiyo chempionatining yakka bahslarida O‘zbekiston terma jamoasi yuqori natijalarga erishdi. Alisher Yusupov +100 kg vazn toifasida oltin medalni qo‘lga kiritib, Osiyo chempioni bo‘ldi. Jamoamiz umumiy hisobda 1 ta oltin, 3 ta kumush va 6 ta bronza medalga ega chiqdi. Endilikda sportchilarimiz aralash jamoaviy bahslarda g‘alaba qozonish uchun bor kuchini safarbar etadilar.
Ordos shahrida o‘tayotgan dzyudo bo‘yicha Osiyo chempionatida yakkalik bahslar yakunlanib, O‘zbekiston terma jamoasi kuchli natija qayd etdi.
Bugungi kun bellashuvlarida sportchilarimiz jami 1 ta oltin va 4 ta bronza medalga ega chiqishdi. Bu natija jamoaning barqaror tayyorgarligi va yuqori darajadagi raqobatga tayyor ekanini ko‘rsatdi.
Oltin medalni +100 kg vazn toifasida Alisher Yusupov qo‘lga kiritdi. U hal qiluvchi bahslarda kuchli raqiblarni ortda qoldirib, final g‘alabasi bilan jamoaga eng qimmatli sovrinni olib keldi.
Bronza medallar esa bir nechta vazn toifalarida taqsimlandi:
-100 kg: Ernazar Sarsenbayev
+100 kg: Muzaffarbek To‘raboyev
-78 kg: Barchinoy Qodirova
+78 kg: Umida Nig‘matova
Umumiy hisobda O‘zbekiston terma jamoasi yakkalik bellashuvlarini 1 ta oltin, 3 ta kumush va 6 ta bronza medal bilan yakunladi. Bu ko‘rsatkich jamoaning Osiyo miqyosidagi kuchli pozitsiyasini yana bir bor tasdiqlaydi.
Endi eʼtibor aralash jamoaviy bahslarga qaratilgan — unda navbatdagi sovrinlar sohiblari aniqlanadi. Bu bosqich ham katta kutilmalar bilan kuzatilmoqda.
Izohlar 0
…