"Barselona" yarim himoyachisi Mark Kasado joriy mavsum yakunlangach, Kataloniya klubini tark etishga qaror qildi. 22 yoshli futbolchi germaniyalik mutaxassis Xansi Flik qo'l ostida o'yin amaliyoti kamayib ketganidan norozi bo'lmoqda. Bu haqda Goal.com xabar beradi.
Ispaniyaning "Sport" nashri xabariga ko'ra, Kasado jamoaning asosiy tarkibidagi o'rnini yo'qotgan va faqat kam sonli daqiqalarda maydonga tushmoqda. Jarohatdan so'ng Gavi qaytishi yarim himoyadagi raqobatni yanada kuchaytirdi va Kasadoning imkoniyatlarini cheklab qo'ydi.
Futbolchi "Barselona"ning so'nggi 12 o'yinidan 7 tasini o'tkazib yubordi, hatto "Espanyol"ga qarshi derbi bahsida ham asosiy tarkibga kiritilmadi. Hozirda klub rahbariyati u bilan shartnomani uzaytirish bo'yicha muzokaralar olib bormayapti.
Kasadoning keyingi manzili Saudiya Arabistoni chempionati bo'lishi ehtimoli yuqori. Bir necha arab klublari yosh iqtidor egasiga qiziqish bildirmoqda.
"Barselona" o'z tarbiyalanuvchisi uchun taxminan 20 mln yevro miqdorida transfer puli talab qilishi kutilmoqda.
“Zamin”ni Telegramʻda oʻqing!
